Aurtengoan Bortzirietako ehun bizitegietara igorri dituzte gutunak eta bertan, Ohi dena edatea gehiegi izan daiteke kanpainako esku-orria atxikitzearekin batera, hezitzailearen oinarrizko pautak eskaini dituzte.
Erraterako, nerabeetan berezkoak diren portaera ezaugarri zenbait aintzat edukiz (inpultsibitatea, pairatzen den taldeko presioa, gozamen azkarra bilatu beharra, arriskuekiko pertzepzio murritza, …) egoera konplexuetan erabaki egokiak hartzeko izan ditzaketen zailtasun edo mugak argi utziz: elkar nola zaindu, laguntza nola eskatu, egoera bortitzei nola iskin egin,…
Lanketa horren osagarri moduan, jendarte orokorrean alkohol kontsumo normalizatu baten jarreratik aldentze aldera, sentsibilizaziorako kartelak paratuko dituzte bortz herrietan; eta tokiko komunikabideetan Nafarroa mailako kanpaina honen web gunerako lotura ere eskainiko da, heziketa eta prebentzio lan bat egiteko; izan guraso, izan begirale, izan irakasle, barride, saltzaile edo lagun…, informazio kontrastatua eta orientabideak izatea eskertzekoa baitira: https://beberlonormal.navarra.es/eu/hasiera
