Emaitza hauekin eta oraindik zenbait lehiaketa jokatzeko dauden arren, matematikoki Nafarroako eskolarteko zirkuituko txapelduna da Julen Goia.
Konpetiziora bikain bueltatu da Julen Goia xake jokalari lesakarra
Larunbatean Paz de Ziganda nazioarteko torneoan lortutako emaitzei esker, Nafarroako eskolarteko zirkuitua irabazi du matematikoki
Julen Goia Mitxelena, Lesakako xake jokalaria konpetiziora bueltatu da. Joan den larunbatean, martxoaren 16an, Luis Gorostidi Oroigarria XXXI. Paz de Ziganda nazioarteko xake txapelketan parte hartu zuen Atarrabian eta emaitza ederrak lortu zituen. Zortzi urtez beheitiko kategorian bigarren izan zen eta hamalau urtez beheitiko kategorian, berriz, oraindik zazpi urte bertzerik ez baldin baditu ere, meritu handiko hamabigarren postua eskuratu zuen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun