Joan den urteko azaroan bezala, udaberri hasieran ere euskal kantu zaharren tailerra antolatu du Lesakako San Fermin erretiratuen elkarteak, Lesakako udalaren laguntzarekin. Martxoaren 26an, datorren asteartean 17:00etatik 19:00etara eginen dute jubilatuen ostatuan. Izena emateko azken eguna martxoaren 24a izanen da, igandea, jubilatuen ostatuan, 5 euro ordainduta.
Tailer honetan, «gure herriko kantuen bila ibiliko gara: gogoratu, aztertu, ikasi, erakutsi… eta nola ez, denon artean eta plazerez kantatu», diote antolatzaileek.