Espainiako Nazioarteko C1 trial Kopako lehendabiziko proba jokatu zen larunbatean Cartagenan, Europatik etorritako pilotu onenekin. Bertan izan ziren Lesakako Uxuri Portu eta Xabier Valverde lesakarrak ere. Uxuri Portuk 9 eta 12 urte arteko nesken kategorian parte hartu zuen eta txapelketa bikaina egin zuen: proba irabazi zuen eta Espainiako Kopako lider jarri zen.
Xabier Valverde, berriz, mutikoen kadete mailan aritu zen. Honek ere txapelketa ona egin zuen eta seigarren postuan bukatu zuen. Emaitza oraindik hobea izan zitekeen. Izan ere, lehendabiziko txandan lehen postuan izan zen, bertze bi gidarirekin berdindua. Baina bigarren itzulian, akats baten ondorioz seigarren egin zuen, bosgarren sailkatuaren puntu berdinekin eta bigarren postutik 40 puntura.
