Martxoaren 28an, 10:30ean abiatuko dira Lesakako Plaza Zaharretik. Eguna oinez pasatu ondotik, Arritxulo aterpetxean pasatuko dute arratsa eta gaubela eta gazte afaria ere eginen dituzte. Hurrengo goizean, Aritxulegitik Oiartzunera jautsi eta Lezora ailegatuko dira Gazteon Eskutik topagunean parte hartzeko.
Gazte martxan izena emateko Lesakako Arrano ostatuan zerrenda paratu dute eta Ernai Bortziriak-en sare sozialetara (@ernaibortziriak) bidalita ere egiten ahal da. Bide batez, gazteei animatzeko deia egin die Bortzirietako Ernaik.