Ortziralean, martxoaren 15ean, Arantzako liburutegian ikusteko aukera izanen da, 19:00etan, eta lantaldeko kidea den Manex Fuchs bertan izanen da.
Josu Martinezek zuzendutako fikziozko film luzea da Bizkarosoro. Bizkarsoro herria ez da existitzen, baina aldi berean, Euskal Herriko edozein herri izaten ahal da Bizkarsoro. Bizkarsorotarrak fikziozko pertsonaiak dira, baina euskaraz bizitzeagatik jazarriak izan diren euskaldun guziak dira bizkarsorotarrak. 1914tik 1982ra bitarte gertatzen diren bortz istoriok osatzen dute filma.
Bortzirietan herriz herri
Martxoaren 2an Etxalarren eman zuten, eta ortziralean Arantzan ikusgai izanen da. Igandean, berriz, Lesakan emanen dute eta martxoaren 22an Beran eta Igantzin.