Martxoaren 8an ekitaldi bereziak antolatu zituen Xulufrinak Lesakako Sare Feministak. Plazan Emakumeak herriko ohituretan goiburupean egindako tertulian, lehenbiziko aldiz zakozahar eta olentzerorekin atera ziren emakumeek beraien lekukotasuna eman zuten. Gero elkarretaratzea egin zuten, Egin zenutelako gara… Gora borroka feminista! zioen pankartaren gibelean.
Adierazpenean, aspaldiko urtetan nabarmendu diren emakume lesakarren izenak aipatu zituzten, aski adierazgarriak izan arren, aunitzentzat ezezagunak direnak. Auto karabanan Berako manifestaziora joan ondotik, berriz ere herrira bueltan Kasinon afaldu zuten 25 emakumek, giro ederrean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.