Emakumeen nazioarteko egunaren harira, martxoaren 8an, 17:30ean proiekzioa izanen da Pello Apezetxea Kulturgunean eta ondotik elkarretaratzea plazan. Ez dira horrekin bukatuko emakumearen nazioarteko egunaren harira antolatutako ekitaldiak. Etxalarren eginen da aurten Bortzirietako Emakumeen XIV. Mendi Itzulia.
Martxoaren 8aren bueltan antolatzen den mendi itzuli hau, igandean, martxoaren 10ean izanen da. Bortzirietako Berdintasun Zerbitzuak antolatu du mendi itzulia eta Bekolandako aparkalekuan paratu dute hitzordua 09:00etan. Mendian itzulia egin ondotik elkarretaratzea eginen dute 13:00etan plazan. Ondotik, 13:15ean trikiti-salda-poteoa eginen dute eta 14:00etan bazkaria Larraburua elkartean. Bazkarirako izen ematea 722 69 30 78 zenbakira idatzi edo deituz edo berdintasuna@ bortziriakberd.eus helbidera idatziz. Bazkariak 25 euroko prezioa du.