Badira aste batzuk Lesakako Hezkuntza Foroko kideek zabaldutako inkesten erantzunak jaso zituztela eta inkesta horiek bete zituzten haur eta helduak eskertu nahi ditu Foroak. Gaur egun Lesakako haurren inguruko diagnostiko bat osatzeko erabili da inkestetan ateratako informazioa eta bertzeak bertze, herrian haurren parte hartzea indartzeko beharra agertu da. Hori dela eta, ondoko aste eta hilabeteetan lanean segituko du Hezkuntza Foroak parte hartze horri forma emateko.
Datorren irailetik aitzinera haur eta gazteei parte hartze foro iraunkor bat eskaintzea da helburu nagusietako bat. Espazio horretan beraien beharrak adieraziko dituzte haur eta gazteek, parte-hartzean heziz. Horrekin batera, erabakien parte izan daitezen da helburua.