Lesakako Arkupe pilotazale elkarteak lehen aldiz antolatu duen eskuz binakako pilota txapelketaren finalak jokatu zituzten larunbat goizean Lesakako udal pilotalekuan. Guztira zazpi final jokatu zituzten jendez lepo zegoen frontoian. Sari banaketan, Santiago Oiartzabal Arkupe pilotazale elkarteko presidentea ere omendu zuten, urtetan egin duen lanarengatik.
FINALETAKO EMAITZAK
Mutiko benjaminak
Orkin eta Alsua (Buruzgain), 18 – Agerralde eta Jaurena (Txaruta), 5
Neska alebinak
Eneritz Muñoa eta Ainara Hita (Arkupe), 10 – Nahia Almandoz eta Joana Iratzoki (Arkupe), 18
Mutiko alebinak
Bazterrika (Arkupe) eta Igoa (Bortziriak), 18 - Otxandorena eta Agesta (Txaruta), 9
Mutiko infantilak
Gonzalo (Najerino) eta Mantzizidor (Lapke), 16 – Landa eta Alberdi (Lapke), 18
Kadeteak
Paraguayo VII.a (Najerino) eta Telletxea (Larraun), 9 - Nazabal (Larraun) eta Sainz (San Miguel), 18
Jubenilak
Izagirre (Lapke) eta Okiñena (Buruzgain), 12 – Egurrola eta Calvo (Markina), 22
Seniorrak
Amiano (Tolosa Aurrera) eta Landa (Oiarpe), 22 - Etxeberria (Oiarpe) eta Lizeaga (Mundarro), 16
Santiago Oiartzabal omendua
Sari banaketan izan ziren Arkupe pilotazale elkarteko ordezkariak, erakunde babesleetakoak eta Argiñe Ordoki eta Eneko Fernandez udal zinegotziak. Ezustean, Santiago Oiartzabal, Arkupe elkarteko presidentea ere omendu nahi izan zuen pilotazale elkarteak, urteetan egin duen lanagatik. Oroigarria eman zioten, biloba baten laguntzarekin eta hunkiturik hartu zuen Oiartzabalek.
