1940an sortua, Easo abesbatzak segidan utzi zuen agerian gerora lortuko zuen distira. Izan ere, hasiera-hasieran, Erresuma Batuan, Frantzian eta Italian antolatutako lau lehiaketa irabazi zituen. Ondotik dozenaka bidaia egin izan dituzte atzerrira: Paris, Munich, Brusela, Buenos Aires, Mexiko… euren bide arrakastatsuaren seinale. Gorka Miranda da abesbatzaren egungo zuzendaria.
Doako sarrera izanen da Igantziko emanaldian eta ongi etorriak izanen dira herriko nahiz inguruko herrietako musikazaleak. Igantziko Abesbatza izan zeneko kideek antolatu dute emanaldia, Herriko Etxeak eman dio nahitaezkoa duen babesa eta Biltoki Elkarteak egoitza eskainiz egin dio bere ekarpena ekitaldiari.