Hamasei urte beteko ditu martxoaren 1ean Lesakako udal kiroldegiak eta urteurrenaren harira promozio edo eskaintza berria izanen dute martxoaren 1ean, 2an eta 3an. Honela, abonatu berriek matrikulan % 75eko deskontua izanen dute egunotan. Dagoeneko bazkide direnek, berriz, ekartzen duten abonatu berri bakoitzeko hilabete bat doan izanen dute.
Promozioan parte hartzeko kiroldegira jo beharko da ortziralean 13:00etatik 21:30era, larunbatean 10:00etatik 14:00etara eta 16:30etik 20:30era eta igandean 10:00etatik 14:00etara.