[GUTUNA]: Aio eta mila esker

Ttipi-Ttapa 2024ko ots. 20a, 12:00
Deskargatu Info Ahotsak :
es en fr

Laster Beran bi denda hetsiko dituztela eta, kezkatua mintzo da Koro Irazoki Arburua iritzi artikulu honetan. «Denok galduko dugula» dio, eta «arazoa orokorra» dela gaineratu du. Ez hori bakarrik: «Herriko dendei lehentasuna emateko» eskatu du.

Laster bi denda hetsiko dituzte Beran. Fabore ederra egiten duten denda horietakoak dira: Altzate karrikan oinetakoak erosi ahal izatea luxu bat da; eta Kanttonberri karrikan «denetarik dagoen» denda horietako bat eskura izatea arras praktikoa da. Baina laster horiek gabe geldituko gara.

Eta denok galduko dugu: dendako langileek bertze lan bat bilatzen hasi beharko dutelako, eta gainetakook, herrian berean eta kotxerik hartu gabe erosketak egin ahal izatea.

TTIPI-TTAPAn berriki ezagutu dugu Areson zegoen denda bakarra hetsi dutela. TTIPI-TTAPAko kolaborazio batean ere afera beraz aritu zen Markel Adin. Arazoa orokorra da.

Eta guk nola laguntzen ahal dugu? Hori denok dakigu, gure eskuetan dagoen bakarra eginez: herriko dendei lehentasuna emanez.

Momentu honetan Oinatz eta Aranen dendei: aio eta mila esker. Eta orokorrean herrietako dendetako nagusiei: animo aunitz, eta mila esker hain hurbil egoteagatik.

Iritzia Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun