Barraskilo Gazte Taldeak antolatuta frontenis txapelketa eginen dute larunbatean Beran

Ttipi-Ttapa 2024ko ots. 21a, 12:00
Larunbatean eginen dute txapelketa Eztegara pilotalekuan, eta teniseko pilotekin ariko dira.

Berako Barraskilo Gazte Taldeak antolatuta, lehenengoz frontenis txapelketa eginen dute larunbatean Beran. 09:30ean paratu dute hitzordua Eztegarako frontoian, eta goizean izanen dira partidak.

Bi kategoriatan lehiatuko dira parte hartzaileak. Alde batetik, helduak, 2009an baino lehen jaiotakoak, eta bertzetik gazteak, 2009an edo ondotik jaiotakoak. Helduek bortz euro ordaindu beharko dituzte txapelketan parte hartzeko eta gaztek, aldiz, doan izanen dute. Ordainketa egunean berean egin beharko da.

Parte hartzaileek aitzinetik izena eman beharko dute galdetegi hau betez ortzegunera arte, hilaren 22ra arte. Bikote bakoitzak galdetegi bana bete beharko du.

Partidak teniseko pilotekin jokatuko dituzte, eta antolakuntzak eramango ditu. Gainera, irabazleentzako sariak ere izanen dira.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun