Agerrako bizilagunek auzolana egin dute udalaren laguntzarekin. Aisialdirako espazio ederra dago bertan: haurrentzako parkea, frontoia, rokodromoa, eta baita futbolean eta saskibaloian aritzeko pista ere. Hain zuzen, pista hori moldatzeko auzolana egin dute.
Argazkietan ageri den bezala, pistako ateetako sareak aldatu dituzte, eta heldu den egunetan margotuko dituzte hesiak. Udalak paratu du materiala, eta auzotarrek egin dute eskulana.
Udalak nabarmendu du auzolanak «emaitza onak» ematen dituela, eta herrigintzaren «zutabe garrantzitsua» dela: «Bejondeiala bizilagunei».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.