Berako Udalak jakinarazi du egoera horrekin arrunt kezkatua dagoela aspalditik, eta egindako saiakerek ez dutela fruiturik eman: «Hala ere, ez dugu amorerik ematen eta Nafarroako Gobernuko Kultura Zuzendari Nagusiarekin bilera egiteko eskaera egin dugu», nabarmendu dute.
Bertzeak bertze, hauek dira udalaren bi eskaera nagusiak: liburutegiaren funtzionamendu txukuna bermatzea, eta liburuzaina euskalduna izatea, «onartezina baita horrela ez izatea».
Izan ere, udalak adierazi duenez, 2014ra arte liburuzain lanposturako derrigorrezkoa zen euskaraz jakitea, baina, geroztik ez da horrela. «Nafarroako Gobernuak egoera horri irtenbide bat eman behar dio, eta liburuzain euskalduna paratu».