Egia da Endara auzoko ospakizunak indarra galdu duela pandemiaz geroztik. Azken bi urteetan auzoko bi jatetxeek ez dituzte ateak irekitzen San Anton ondoko igandean eta horrek eragina du. Ez da lehengo jendetzarik biltzen, baina oraindik bada Bortzirietatik eta Gipuzkoa aldetik hurbiltzen direnak. Postu bakanen artean, Beti Gazte elkartearen ibilaldi arautuaren helmuga hartzen duen txosna ere bertan paratu zuten eta parte-hartzaileen denborak neurtzeaz gain, hauentzat eta nahi zuen guztiarentzat pintxoak eta edariak ere banatu zituzten. San Anton baselizan mezak ere izan zituzten.
25 taldek parte hartu dute San Antongo ibilaldi arautuan
2024ko urt. 22a, 13:00
2020an, elkartearen 80. urteurrenaren harira San Antonera ibilaldi arautua antolatu zuen lehen aldiz Lesakako Beti Gaztek. Igandean ere egin zuten ibilaldi arautua eta denera 25 bikotek edo hirukotek parte hartu zuten, neguko eguraldi ederra lagun.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun