Erregeei ongietorri beroa egin diete Lesakan ere

Eguraldi traketsa zela eta ez zuten errege kabalkadarik egin ortziralean Lesakan, baina halere, ongietorri beroa eskaini zieten Meltxor, Gaspar eta Baltasarri udal pilotalekuan. Erregeek, bere aldetik, opariak ekarri zizkieten Maria, Jose eta Jesus haurtxoari eta muxuak eta opariak banatu zituzten frontoira bildutako umeen artean. Lesakako abesbatzak ere kantatu zuen eta Jaione Telletxeak aurreskua dantzatu zuen. Aitzinetik, Andra Mari zahar etxera ere hurbildu ziren erregeak. Argazkiak: Izaskun Martinez