Abenduaren 24an hasi ziren eguberrietako ospakizunak Etxalarren. Olentzero eta Mari Domingiren irudiak paratu zituzten frontoian argazkiak ateratzeko eta gero karrikaz karrika ibili ziren txistulari eta trikitilariek lagunduta, Olentzero eta Mari Domingiri ongietorria egiteko. Meza ondotik elizako arkupean kantatu zuten. Eguna bukatzeko, frontoian merienda izan zuten, trikitilarien emanaldia eta goxokiak banatu zituzten Olentzero eta Mari Domingik.
Txokolate beroa eta ipuin kontalaria izanen dituzte Etxalarren Errege egunean
Errege kabalkadarik egiteko ohiturari ez da Etxalarren, baina azken urteetan bezala, Larraburua Elkartekoen eskutik, Errege egunean txokolate beroa izanen da Larraburuan, larunbatean 17:00etan. Ondotik ipuin kontalaria izanen dute. Gisa honetara borobilduko dituzte Etxalarren Eguberrietako ospakizunei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun