Azken urteetan bezala, aurten ere Lesaka ikergai duten ikasketa bukaerako lanak saritzeko asmoa du udalak. Horretarako deialdia irekia du dagoeneko eta urtarrilaren 30a izanen da horretarako azken eguna.
Parte hartzaileek hainbat baldintza bete beharko dituzte: Lesakan erroldatuta egotea, eta 2023-2024 ikasturtean ikasketetako azken kurtsoan matrikulatuta egotea.
Eskaria egitean, eginen duten proiektuaren edo lanaren memoria aurkeztu beharko dute, gehienez ere lau orrikoa. Bertan helburuak, proiektua edo gaia garatzeko izan duten motibazioa, lanaren metodologia, informazio iturriak, oinarrizko biografia... zehaztu daitezke. Memoriak, gradu edo master amaierako lanaren tutorearen ongi ikusi beharko du.
Laguntza jasotzen dutenek urtebeteko epea izanen dute lana aurkezteko eta Lesakako Udalarekin herritarren aitzinean egindako proiektu edo lana solasaldi batean aurkeztuko dute.
Deialdiaren inguruko informazio gehiago eta oinarriak hemen aurkitu daitezke.