Urteko azken eguna karrikan pasatu zuten beratarrrek. 15:00etan Agerran hasita, glin-glan eskatuz aritu ziren herriko haurrak Illekuetaraino. Ondotik, Gure Txokoa elkarteak urtero bezala 'Dios te salve' antolatu zuen. Iamotenean hasita, herriari itzulia eman zioten txistularien laguntzaz, eta bertsolariak kopla kantari ere aritu ziren.
Tartean, Herriko Etxeko plazan Angelita Izurrategiri omenaldia egin zioten. Azken urteetan Dios te salveko parte hartzaileei berendua ematen die Izurrategik, eta bizilagunek eskerrak emateko lore sorta bat eta bertso bat kantatu zizkioten, eta bertsolariek koplak kantatu zizkioten.