Dokumentalean agertzen diren bi lagunen testigantza aditzeko aukera izan zuten atzo emanaldira bertaratu zirenek. Irungo Harrera Sareko kide Garai Garaialde argazkilaria eta Bidasoa Etorkinekin elkarteko Aintzane Lasarte bertaratu ziren eta dokumentaleko hainbat kontutan gehiago sakontzeaz gain, gaur egungo egoerari buruz ere mintzatu ziren.
Bortzirietako Euskara Mankomunitatearen barrenean, hizkuntza eta kultura aniztasuna lantzeko lantalde bat sortu da eta atzoko emanaldia aprobetxatu zuten taldearen jarduna azaltzeko. Heldu den udaberrian jardunaldi bat egin nahi dute eta herritarrak animatu zituzten taldean sartu eta antolaketarekin bat egiteko.