Gaur egun, 140 bat lagunek egiten dute lan Caveo Automotive enpresan. ELAren arabera, urte hasieran hasi ziren hitzarmen kolektiboa negoziatzen eta berriki itxi dute. Hauek dira ELAk aipatu dituen hobekuntzak: «KPIaren araberako soldata igoera bermatuko dute, urteko lanaldia zazpi ordu murriztuko dute, aldi baterako kontratazioa mugatuko dute, 60 urtetik goitiko langileei gaueko lanari uko egiteko eskubidea aitortuko diete, errelebo kontratua arautuko dute eta lanaldian 30 minutuko malgutasuna izanen dute bulegoetan lan egiten dutenek».
Funveran «plantillaren lan baldintzak nabarmen hobetuko» dituen akordioa lortu dutela adierazi du ELAk
Berako Caveo Automotive enpresan, lehen Funvera zen lantegian, hiru urteko indarraldia izanen duen akordioa lortu dutela jakinarazi du ELAk. Sindikatu horrek gehiengoa du lantegian eta «hobekuntza nabarmenak» lortu dituztela gaineratu du: «Erosahalmena bermatzen duen eta lanaldia murrizten duen hitzarmena».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun