Bigarren urtez patata tortilla txapelketa antolatu du Berako Barraskilo Gazte Taldeak

Ttipi-Ttapa 2023ko aza. 29a, 20:00
Bigarrenez eginen dute lehiaketa Beran larunbatean.

Abenduaren 3an diren Euskararen Eguna eta Nafarroaren Eguna ospatzeko patata tortilla lehiaketa antolatu ditu Barraskilo Berako Gazte Taldeak larunbaterako, abenduaren 2rako. Gazte taldeak antolatu badu ere herritar guztiei egin diete gonbita parte hartzeko.

Larunbatean, abenduaren 2an, 18:30ean elkartuko dira Toki Ona institutuaren estalpean. Orduan hasiko da lehiaketa. Parte hartzaileak gehienez lau pertsonako taldetan banatu beharko dira.

Osagaiak, gasa eta gainerako kontuak parte hartzaileek eraman beharko dituzte eta ohartarazi dute derrigorrezkoa izanen dela arrautzak eta patatak erabiltzea prestaketan.

20:00etan tortilla aurkeztu beharko dute parte hartzaileek eta ordu laurden bat beranduago eginen dute sarien banaketa. Ondotik, tortilla dastaketa izanen da.

Parte hartzea doan izanen da baina aitzinetik egin behar da barraskilobera@gmail.com helbidera eta gazte taldearen Instagram kontura mezu bat bidalita. Ohartarazi dute guttieneko parte hartzaile kopuru bat apuntatu beharko dela txapelketa egiteko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun