Azaroaren 18an Gasteizko Expoches lehiaketan parte hartu zuen, Hondarribiko Marlaxka bere talde berriarekin. Hain zuzen, 12 urtez beheitiko kategorian lehiatu zuen lehen aldiz bere taldearekin eta jokatutako bortz partidak irabazi zituen. Horri esker, Hondarribiko Marlaxka taldea garaile suertatu zen.
Biharamunean Iruñeko San Juan txapelketan parte hartu zuen, Nafarroako eskolarteko zirkuiturako baliagarria zen bigarren proban. Sei partidetatik bortz irabazita bigarren izan zen Goia Iruñean, baina emaitza horrekin zirkuituko lidergoari eusten dio.