LINK Nafarroako trebakuntza digitaleko planak doako ikastaroa antolatu du heldu den astean Berako San Jose zahar etxean, Android telefono mugikorrak erabiltzen ikasteko. Helburua «egunerokoan zure senideen mende egon gabe Internet bidez komunikatzeko» gai izatea du ikastaroak.
Azaroaren 27tik abenduaren 1era, astelehenetik ortziralera izanen da ikastaroa eta bi taldetan emanen dute; 16:30etik 18:30era eta 18:30etik 20:30era. Parte hartzaileek beraien smartphone mugikorra eraman beharko dute. Interesa dutenek izena eman beharko dute 948 012 012 telefonora deituz, aventuradigital@navarra.es helbidera idatziz edo Nafarroako Gobernuko webgunearen bitartez.