Lau ardatz nagusi dituen Plan honen barrenean jasotzen da urtero hautetsiei zuzendutako berdintasun politiken inguruko formakuntza saioak antolatuko direla, urtero herri batean.
Lehen saio hau Etxalarren egin da eta hamasei hautetsi bertaratu dira, goizez eta arratsaldez egindako bi saiotan banatuta. Formakuntza Idoia Lekueren eskutik egin da, genero politiketan aditua den formatzailea, eta hasierako saio honetan lehen hurbilpen eta kontzientziazio saio bat egin da.
Formakuntza saio hauek 2024an jarraipena izanen dute eta bi saio egitea aurreikusi dute. Alde batetik, berdintasun politiketan sakonduko duen bigarren saio bat, eta bertzetik, oinarrizko prestakuntza hau jaso ez duten hautetsiei zuzendutako hurbilpenerako bertze saio bat.
