Etxalarko Usategietako XI. gastronomia lehiaketa egin zen asteburuan eta zortzi jatetxek parte hartu zuten. Horien artean, Alejo Portu eta Maialen Irigoien lesakarrek kudeatzen duten Irungo Janari jatetxeak lortu zuen lehen saria, Urrezko Paleta. Zilarreko Paleta, berriz, Lizarietako Hordago jatetxeak eskuratu zuen eta berrikuntzaren saria Madrilgo La Cabaña Argentina jatetxeak. Herri epaimahaiaren saria Etxalarko Elutsa jatetxean aritutako Pakita Altzugurenek prestatutako platerak eskuratu zuen. Arantzako Burlada jatetxeak akzesita eskuratu zuen.
Guztira zortzi jatetxek parte hartu zuten: Santxotena (Elizondo), Burlada (Arantza), Elutsa (Etxalar), Janari (Irun), Ordago (Lizarieta), Arraya (Sara) eta Madrilgo Alcotan eta La Cabaña Argentina.
Zozketa
Zozketa egiteko ere aprobetxatu zuten usazaleek eta hauek izan ziren zenbaki saridunak:
- 1. saria (12 uso bizirik): 5.268 zenbakia
- 2. saria (bi lagunendako bazkaria edo afaria): 4.257 zenbakia
- 3. saria (Saskia): 5.122 zenbakia
Zozketaren irabazleek 690 26 77 56 zenbakira deitu behar dute, hiru hilabete baino lehen.