Urki Txoperena erabakigarria izan zen 2020-21 denboraldian Lesakako Beti Gazte taldeak hirugarren mailarako historiako bere lehen igoera lortzeko. 2021-22 denboraldi erditsuan fitxatu zuen Barakaldok, eta iaz egin zuen bere lehen denboraldi osoa Bizkaiko taldean. Igoera lortu ondotik, aurten bigarren RFEF mailan ongi dabiltza eta, berriki, Espainiako Erregearen Kopako kanporaketan Malaga taldearen kontra penaltietan galdu zuten.
Urki Txoperena Elosegi futbolari lesakarra izendatu du AFEk (Espainiako Futbolari Elkarteak) 2022-23 denboraldiko hirugarren mailako laugarren multzoko jokalari onena. Barakaldo futbol taldearekin ari da Urki eta joan den denboraldian hirugarren mailatik bigarren RFEF mailara igotzea lortu zuen, denboraldi osoan partida bakar bat galdu gabe (23 irabazi eta 7 berdindu). Lesakarrak jokalari onenaren saria jaso zuen astelehenean Madrilgo Real Casinon egindako galan eta Jon Tena taldekideak, hirugarren mailan golik guttien hartu zuen atezainaren saria (11 gol).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun