Entrenatzaileen Eguna
Juan Luis Irazoki ez zen bakarrik joan asteazkenean Donostiara. Entrenatzaileen Eguna ere izan zen Reale Arenan eta berekin batera, talde nagusiko Ganix Zubietak eta kadeteetako Jon de La Cruzek parte hartu zuten jardunaldian. Guztira hiru hitzaldi izan zituzten goizean: Gari Fullaondok, metodologia aholkulari, UEFA PRO entrenatzaile eta Kimet Sporten sortzaileak, norberaren joko eredu pertsonala nola sortu eta planifikatu azaldu zuen. Ondotik, Natalia Arroyok, Realeko emakumezkoen lehen taldeko entrenatzaileak, bost defentsako lerroa erasotzeko planari buruz hitz egin zuen bere taldearen hainbat adibide erakutsiz. Eta, azkenik, Marco Oterok, Olympique de Marsellako akademiako zuzendariak, harrobiarekin lan egitearen nondik norakoak azaldu zituen.
