Gazteagotan Berako bertso-eskolan ibili zen abeslaria. Etxetik datorkio bertsozaletasuna, eta orain bertsotan aritzen ez den arren, gertutik segitzen ditu bai bertso-eskolako kontuak eta baita bertsoaren bueltan sortzen direnak ere, Nafarroako Bertsolari Txapelketa kasu. Eskolartekoan, plazetan eta sariketaren batean kantuan aritutakoa da Pinatxo.
Bertsolaritzarekin duen harremanari buruz eta azken urtean Janus Lester taldeak izandako arrakastari buruz solasean ariko da saioan Mirari Martirena aurkezlearekin.
Pinatxoren elkarrizketaz gain, Errenterian eta Lekunberrin egindako saioetako bertsoaldiak aditzeko aukera ere izanen da.
Saioa bihar emanen dute ETB1en 21:00etan.