Urriaren 31n Lesakako Realzalik peñak bi urte egin ditu. Hori ospatzeko mus txapelketa, afaria eta DJa antolatu zuten Koxkila ostatuan. Mus txapelketan 20 bikotek hartu zuen parte, eta irabazleak Igantziko Unai Telletxea eta peñakidea den Jorge Agirre izan ziren. Lehenbiziko saria Martikok emandako bi lote eta Koxkila ostatuak emandako 100 euro izan ziren. Bigarren postua Beñat Kondek eta Mikel Leitzak lortu zuten, eta hirugarrena Ekaitz Badiolak eta Joseba Etxartek. Ondotik 40 lagun Arranon elkartu zen afaltzeko eta DJ Infernuk gaueko giroa alaitu zuen.
