Euskal kantu zaharren tailerra antolatu du Lesakako San Fermin erretiratuen elkarteak, Lesakako udalaren laguntzarekin. Azaroaren 3an, ortziralean 17:00etatik 19:00etara eginen dute Koskontako Bideko Lesakako udal aretoan. Izena emateko azken eguna azaroaren 1a izanen da, jubilatuen ostatuan, 5 euro ordainduta.
Tailer honetan, «gure herriko kantuen bila ibiliko gara: gogoratu, aztertu, ikasi, erakutsi… eta nola ez, denon artean eta plazerez kantatu», diote antolatzaileek.