Herriko trikitilariak eta panderojoleak ere herri bazterrean, frontoian eta plazan ibiliko dira euren doinuak zabalduz. Jateko eta edateko faltarik ere ez da izanen eta gazta eta ahari lehiaketak ere eginen dituzte.
Gazta eta ahari lehiaketak
Gazta eta ahari lehiaketak, ohi bezala, herritarrentzako izanen dira. Gazta lehiaketan hiru gazta sarituko dituzte eta lehenbiziko sarituak 120 euro, bigarrenak 100 euro eta hirugarrenak 60 euro hartuko ditu. Ahari lehiaketan, berriz, bi sari banatuko ditu Ekaitza Elkarteak: lehenbiziko saria 50 eurokoa izanen da eta bigarrena 25 eurokoa.