Organorako Musika Nafarroan zikloaren 39. edizioaren barrenean, Santiago Banda organo-jotzaileak (Zumaia, 1980) kontzertua emanen du urriaren 27an, ortziralean 18:30ean Lesakako San Martin elizan. Berriki zaharberritutako Roqués organoa joko du Bandak.
Ziklo honetako antolatzaileek aipatu dutenez, «Lesakako San Martin eliza erreferente bat izanen da organogintza iberiko erromantikoan, Nafarroan eta bertako mugetatik haratago. Iaz eginiko zaharberritzeari esker, organoak bikaintasuna berreskuratu du; izan ere, azken ureotan gainbeheran zegoen higaduraren eta elementu batzuen pipi-zuloen ondorioz».
EGITARAUA
Juan Bautista Cabanilles (1644-1712)
- Tiento XIV Lleno de 6o tono
Christian Heinrich Rinck (1770-1846)
- Kontzertua txirularako
Allegro maestosoa
Adagioa
Rondoa – Allegrettoa
Giovanni Morandi (1777-1856)
- Atarikoa eta Tema bariazioekin
José María Beobide (1882-1967)
- Fantasia
Julio Andrés Blasco García (1950-)
- Triptikoa: II
Jesús Guridi (1886-1961)
- Euskal tema bati buruzko bariazioak
Liburua eta dokumentala
Bertze aldetik, Iñigo Morentin eta Organoaren Lagunen Elkarteak idatzitako Lesakako Roqués organoa (1893-2023) 130 urte herriari musika eskaintzen liburua aurkeztuko dute azaroaren 5ean, igandean, 18:30ean Harriondoa kultur etxean. Organoaren zaharberritzearen inguruko dokumentala ere emanen dute egun horretan.