Urriaren 24an, asteartea, izanen da jardunaldia 18:30ean Beralandetan. Nafarroako Osasun Publikoaren eta Lan Osasunaren Institutuak, Berako Udalak, Life Nadaptak eta Life erakundeek antolatu dute.
Aitor Elexpuru alkateak eginen du aurkezpena. Ondotik, eltxo tigreari buruzko oinarrizko informazioaren, ezaugarrien eta biologiaren inguruko kontuak aletuko dituzte. Gaian profesionalek hartuko dute hitza gero eta eltxoen ugalketarekin lotutako arriskuak eta arazoak landuko dituzte eta Berako tranpen bilakaera eta aurkikuntzen inguruko informazioa emanen dute. Bukatzeko, galderen txanda izanen da.
Gaian interesa duen orok parte hartzen ahal du jardunaldian, baina, bereziki deialdia Berako herritarrei eta etxe-jabeei egin diete.