«Geure buruarekin eta bertzeekin nahi dugun komunikazioa lortzeko» Komunikazio ez bortitza izeneko solasaldia eskainiko du Nerea Mendizabal psikopedagogo eta gizarte hezitzaileak urriaren 23an, astelehenean, 17:30ean Lesakako Udalaren erabilera anitzeko aretoan, Koskontako Bidea karrikako 7. Zenbakiko bigarren solairuan. Bortzirietako Gizarte Zerbitzuen Mankomunitateak eta Nafarroako Gobernuak antolatu dute saioa.
Bortzirietako Gizarte Zerbitzuen Mankomunitateak gaineratu duenez, «prebentzio esku-hartze hauek gure herrietako behar eta eskaerei erantzute aldera antolatzen ditugunez; elkarlana ezinbertzekoa da batzuek antzeman eta jakinaraztea eta bertzeek esku hartzeak diseinatu eta aurrera eramatea».