Irrisarri Bike Enduro txapelketaren bosgarren edizioa jokatu da asteburu honetan Igantziko Irrisarri Landen. Aurten lehen aldiz antolatu den Sustrails Open Enduro BTT txapelketaren barrenean hiru proba eginen dira, eta Igantzikoa bigarrena izan da, irailaren 23 eta 24an Lesakan egin zenaren ondotik. Urriaren 21etik 22ra hirugarren eta azken jardunaldia eginen da Basaburuko probarekin.
Hala, asteburu honetan IrriSarri Bike Enduroren txanda izan da eta ehun txirrindulari baino gehiagok parte hartu dute, sei kategoriatan banatuak. 21,6 kilometroko ibilbideak osatu dituzte guztira, 1.117 metroko desnibelarekin.
Mailaz maila Lierni Lekuona (emakumeak), Jonathan Santiago (master 30), Alirio Ascanio (master 40 eta 50), Gorka Elkorobarrutia (18 urtez beheiti), Hodei Aleman (23 urtez beheiti) eta Jon Uranga (elite) izan dira onenak Igantziko proban.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.