Euskal Herriko Dantzari Egunean parte hartu dute Berako dantzariek eta txistulariek

Ttipi-Ttapa 2023ko urr. 9a, 15:00
Berako dantzariak eta txistulariak kalejira hasi aitzinetik.

Larunbatean egin zuten Donostian Euskal Herriko Dantzari Eguna. Euskal Herri luze zabaleko 50 dantza taldetako kideak elkartu ziren, tartean baita Berako Gure Txokoa elkarteko 15 dantzari eta 7 txistulari ere.

17:30ean hasita kalejira egin zuten Parte Zaharreko karriketan, eta ondotik emanaldia egin zuten Zuloaga plazan. Hasteko agintariena dantzatu zuten talde guztiek, eta ondotik lurraldeka banatuta dantzatu zuten. Berako Makil dantzak dantzatu zituzten Berako dantzariek Nafarroako bertze taldeekin batera.

Berako Txistulariak eta Berako Isidoro Fagoaga Udal Musika Eskolako zazpi txistulari joan ziren dantzariekin batera, eta beraiek izan ziren Berako Makil dantzak jo zituztenak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun