Aurten Harriondoa kultur etxeak lehen hamarkada bete duela eta Sorginxulo Lesakako kultur bilguneak Lesakako udalaren laguntzaz antolatutako Hamar urte, hamaika dinamika programaren barrenean, Harribitxi folk musika taldeak emanaldia eskainiko du urriaren 7an, larunbatean 19:00etan hasita Lesakako Harriondoa kultur etxean. Kontzertua baino lehen, larunbatean 18:00etan hasita kalejira eginen du Lesakako txistulari taldeak.
Iker Alvarez (Bilbo) eta Aitor Urkiza (Burlata) txistulariek ortutako folk musika taldea da Harribitxi.
Bestelako musika instrumentuak ere konbinatzen dituzte, perkusiozkoak (shruti box, kaxoia, platera, musukitarra, shaker, glockenspiel, bonbetea, kalimba, ttun-ttuna, pandereta, danbolina, bongoak) edo harizkoak (mandolina, gitarra, klabeak).