Asteburu honetan Kataluniatik etorritako Colla castellera Xics de Granollers castellersak izan dira Lesakan. Ladis Satrustegi alkateak eta Eneko Fernandez kultura zinegotziak Lesakako udaletxean harrera egin zieten talde kideei. Irailaren 30ean, larunbat eguerdia tailerra eman zuten Plaza Zaharrean, Katalunian hain ezagunak diren giza-dorre horiek nola lantzen, prestatzen eta egiten dituzten erakusteko. Larunbat arratsaldean, berriz, Igantziko plazan eskaini zuten emanaldia, besten barrenean. Urriaren 1ean, igande eguerdian, emanaldi bikaina eskaini zuten jendez lepo zegoen Plaza Zaharrean.
Kataluniatik 110 lagun inguru etorri dira eta Mediterraneoko eguraldia ere beraiekin ekarri dute. Asteburu beroan emanaldi ederrak eskaini dituzte eta Lesakan izan duten harrera «sinestezinarekin». Emanaldietan plazan bildutakoek ere parte hartu zuten, castell edo giza-dorreen oinarria sendotuz. Berriz ere errepikatzeko gogoz gelditu dira Granollerseko castellerrak eta Lesakako kultur taldeak Kataluniara joateko gonbitea ere luzatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.