Organorako Musika Nafarroan zikloa 39. edizioa eginen dute irailean eta urrian. Zikloak bere helburu nagusiarekin jarraitzen du: organo musika Nafarroan zehar eramatea. Iruñea, Los Arcos, Tafalla, Tutera, Alesbes, Uztarroze, Esa eta Lesaka bisitatuko ditu irailaren 15etik urriaren 28ra bitartean.
Zehazki, Lesakari dagokionez, Santiago Banda organo-jotzaileak kontzertua emanen du urriaren 27an, ortziralean 18:30ean Lesakako San Martin elizan. Lesakako Roqués organoa zaharberritu berria da eta adituen erranetan, «bere ezaugarri bereziengatik, Iberiar Penintsulako organogintza erromantikoan erreferente izateko joera du».