Larunbat arratseko bestaren ondotik irudi penagarriak izan dituzte Lesakan, batzuk besta egiteko duten modu ulergaitzaren erakusgarri: lore-ontziak xehetuak, bide erdira mugituak autoen bidea oztopatuz, zikinkeria, kristalak xehetuak, edalontziak nonahi… Jabetza partikularrekoak diren elementuetan ere kalteak agertu dira. Lesakako udalak irmoki salatu ditu jarrera hauek eta hurrengo egunetan neurriak hartuko dituela iragarri du.
Lesakako udalaren oharrak dioenez, «herritarren gehiengo batek gure herria ongi zaindu eta aitzinera eramaten saiatzen garen arren, batzuk nahi dutena egiten ahal dutela uste dute, bertze herritar guztien lana eta egunerokotasuna kaltetuz. Ez dugu ahantzi behar kalte guzti hauek herritar guztien poltsikoetatik ordaintzen ditugula».
Honela, herritarren batek zerbait ikusi badu, udalarekin harremanetan jartzea eskatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.