Bortzirietako Berdintasun Zerbitzuak azaldu duenez, «Puntu Morea besta eremuan emakume* nahiz LGTBIQ+ kolektiboko kideren batek eraso bat pairatuz gero, arreta eta laguntza zuzena eta profesionala eskaintzeko zerbitzua da. Edozein intentsitateko erasoen aurrean, erasoa jasan duen pertsonari aurrez aurreko arreta emozionala eta bidelaguntza eskainiko zaio, egoera horri aurre egiteko dituen aukeren inguruko informazioa eta aholkularitza emanez». Puntuan Emagin elkarteko bi aditu izanen dira une oro.
Berdintasun Zerbitzuak telefono bat aktibatu du, eraso bat gertatuz gero laguntza eskatu ahal izateko: 722 467 197. Gainera, indarkeria sexistarekiko edozein gertaera edo bizipenen inguruko informazioa helarazteko, berdintasuna@bortziriakberd.eus helbidera idazten ahal da.