Berako udal kiroldegian atezain eta garbiketako peoi lanetan aritzeko langilea behar du Sastrako Kirol Zerbitzuak enpresa kudeatzaileak. Lan-eskaintza Nafarroako Enplegu Zerbitzuko Doneztebeko Agentziaren bidez eginen da eta interesatuek hurrengo baldintzak bete beharko dituzte:
- Espainiako edo Europar Batasuneko herritarra izatea, edo langileen joan-etorri askea aplikatzen den eremukoa.
- Hamasei urte beteak izatea eta erretiroa hartzeko adina ez gainditzea.
- Eskolatasun ziurtagiria edo graduatua, DBH edo baliokidea.
- Lanpostuaren eginkizunak betetzeko behar diren gaitasun fisikoa eta psikikoa.
- Guttienezko idatzizko B1 maila eta ahozko B2 maila euskaraz.
Eskabideak abuztuaren 25eko 13:00ak arte aurkezten ahalko dira, kiroldegian bertan (astelehenetik ortziralera 09:00etatik 13:00etara) edo eskaera eta dokumentazioa info@sastrakokirola.eus helbidera igorrita. Hautaketarako epaimahaia Berako Udaleko eta Satrakako kideek osatuko dute.
Deialdiaren oinarriak eta baldintza guztiak ikusteko, egin klik hemen.