Udalak azaldu duenez, «bestetan jartzen diren postuetan petardoak saltzea debekatu beharrean, nahiago izan dugu petardoak saltzen uztea. Baina kanpotik etorritako petardo haundiak debekatuak geldituko dira». Gainera, «petardoen eraginez kalteren bat sortzen bada, heldu den urtean erabat debekatuta egonen dira, haundiak nahiz ttikiak. Kalte horien egileak harrapatuz gero, beraien edo, adin ttikikoak badira, beraien gurasoen gain geldituko da konponketen ardura».
Azkenik, oroitarazi dute «Etxalarko ondarea bertako bizilagunen eta bisitatzen gaituzten pertsonen gozamenerako ondasuna» dela, «guztion artean zaindu dezagun».