Gaurko eguraldi euritsuak Berako bestetako danborrada baldintzatu du, baina halere, ia 60 lagunek astindu dituzte beraien danborrak, lehen aldiz zuzendariaren aginte-makila Joseba Lasarteren eskutik hartu duen Nekane Lasagaren gidaritzapean.
Musikariak eta danbor-jotzaileak ez dira Herriko Etxeko Plazatik abiatu, Toki-Onako estalpetik baizik. Hasieran bertan egitekoa zuten emanaldia, baina ateri une bat aprobetxatuz, ibilbide labur bat egin dute Altzate karrikan barna.