Aspaldiko ohitura dute Berako San Jose zahar etxean besta aitzinetik txupinazoa botatzea, eta pandemiaren ondorioz urte batzuez egin gabe egon ondotik, gaur berriz ere bota dute. Bertsoak, erraldoien konpartsa, musika... Denetariko ekintzak izan dituzte gaur goizean eta txanpaina eta aperitiboa ere hartu dituzte.
Aspaceko egoiliarrak eta hainbat herritar ere elkartu dira txupinazoa ikustera. Azken egunetan eta hilaren 15 bitartean Bizkaiko Markina-Xemein herriko eta inguruetako hainbat gazte Beran egonaldia egiten ari dira, eta horiek ere hurbildu dira ikustera.