Uztailaren 14tik 16rako asteburuan jokatu dira Duranan (Araba) trialeko gazte mailako munduko txapelketak, Trial World Youth Games, eta Lesaka Trial taldeko Uxuri Portu Espainiako selekzioarekin bikain aritu da. Ortziralean taldekako lehia jokatu zen, eta Uxuri Portu munduko txapeldun suertatu zen zen nazio arteko lehia horretan.
Bakarkako lehian, larunbatean, 9 eta 12 urte arteko nesken kategoriako finalerdietan onena izan zen Uxuri Portu. Igandeko finalean, aldiz, ez zuen bere egunik onena izan eta azkenean laugarren izan zen sailkapenean, podiumera igotzeko modurik gabe. Gogoratu behar da joan den urtean Polonian hirugarren izan zela Portu. Halere, bigarren eta hirugarren postuak hurbil izan ditu aurten ere eta munduak laugarren gelditzea ere emaitza bikaina da.