Igantziko Baratzondo elkarteko jubilatuek badute azken boladan mugimenta ederra: txangoa, hitzaldiak… Oraingo honetan, uztailaren 25ean Azpeitira bisita egitekoa dute, bertan eginen den azienda eta sagardo azokara hain zuzen ere.
Uztailaren 25ean, asteartean 08:30ean aparkalekuan autobusa hartu eta Azpeitira iritsiko dira. Azokan goiza pasatu eta gero bazkari ederraz gozatuko dute Larrañaga jatetxean.
Bazkalondoan, Loiolako San Ignazio bisitatzera joanen dira eta 19:00etan abiatuko dira herrira bueltan; eguna Baratzondon berendu-afaria eginez akabatuko dute.
Izen emateak uztailaren 9arte egin ahal izanen dira Axun, Iñakiri edota Tereri deituta.